Cas di luz na Seroe Preto a habri bek despues di dos aña

The content originally appeared on: News Americas Now

Black Immigrant Daily News

The content originally appeared on: Diario

Y celebrando nan di 37 aniversario…

ORANJESTAD (AAN):  Zelma Helder ta vice presidente di e Cas di Luz Seroe Preto y diasabra anochi tabata celebrando un momento special cu e cendemento di e luznan famoso na Seroe Preto.

            El a laga sa cu despues di e pandemia a dicidi habri e localidad atrobe. E aña aki ta haci 37 aña. No por a celebra e di 35 ni e di 36 aniversario pa motibo di Covid, el a bisa.

            E biaha ey a opta pa cera e cura y uza e mesun decoracion di 2019. Djis pa keda cu e luznan y pa tene e oportunidad pa hende por core rond.

            “Pero e aña aki danki Dios. E tey ainda, pero ban cuida. Pero toch nos por habri y duna un otro diseño cu nos a bin cu ne despues di 37 aña”, Helder a expresa.

            Publico por pasa aprecia e iluminacion den siman te cu diahuebs di 7 pm te cu 11 pm. Riba diabierna y diasabra  ta laga e luznan te cu 12 am.

            El a splica cu e bishitantenan ta esnan cu ta duna aporte na e sitio pa asina por sigui paga nan gastonan.

            Pa e ocasion aki di inauguracion, a duna chens na tres mucha di e publico pa por a haci e cendemento di e luznan den forma oficial.










NewsAmericasNow.com